Péter Erdő

Péter Erdő

(2011)
Nome orixinal	(hu) Erdő Péter
Biografía
Nacemento	25 de xuño de 1952 (72 anos) Budapest, Hungría
Cardeal
21 de outubro de 2003 –
Roman Catholic Archbishop of Esztergom-Budapest (en)
7 de decembro de 2002 – ← László Paskai (pt) Diocese: Arquidiocese de Esztergom-Budapeste (pt)
Primaz da Hungria (pt)
7 de decembro de 2002 –
Bispo auxiliar
5 de novembro de 1999 – Diocese: Roman Catholic Diocese of Székesfehérvár (en)
Bispo titular
5 de novembro de 1999 – Diocese: Puppi (en)
Datos persoais
Relixión	Igrexa católica
Educación	Pápai Magyar Intézet (en) (1977–1980) Universidade Pontificia Lateranense - Dereito canónico (1977–1980) Pázmány Péter Catholic University (en) - teoloxía (1971–1976) Central seminary (Budapest) (en) (1971–1975) Theological College of Esztergom (en) (1970–1971) Piarist Gymnasium of Budapest (en) (–1970)
Actividade
Ocupación	bispo católico (2000–), sacerdote católico (1975–), canonista, teólogo
Empregador	Pázmány Péter Catholic University (en) (1988–) Pontificia Universidade Gregoriana (1986–) Universidade Pontificia Lateranense
Membro de	Academia Europea das Ciencias e Artes Academia de Ciencias de Hungría Academia Europaea
Consagración	Xoán Paulo II, papa
Participou en
marzo de 2013	conclave de 2013
abril de 2005	conclave de 2005
Premios
(2017)  Hungarian Order of Saint Stephen (en) (2016)  Rings of Tolerance (en) (2016)  Prémio Széchenyi (pt) (2011)  doutor honoris causa pola Universidade de Navarra (2007)  honorary doctor of the University of Munich (en) (2004)  honorary doctorate from the Catholic University of Lublin (en) (2004)  prize Vilmos-Fraknói (pt) (1 de outubro de 2001)  honorary doctor of Babeș-Bolyai University (en) (1998)  Officer's Cross of the Hungarian Order of Merit (en) (1997)  Stephanus Award (en)
(la) Initio non erat nisi gratia
Descrito pola fonte	Obálky knih,

Péter Erdő, nado o 25 de xuño de 1952 en Budapest, é un cardeal da Igrexa Católica, arcebispo metropolitano de Esztergom-Budapest dende 2002.

Traxectoria

Péter Erdő naceu o 25 de xuño de 1952 en Budapest, o primeiro dos seis fillos nunha familia de intelectuais católicos.

O 18 de xuño de 1975 foi ordenado sacerdote da arquidiocese de Esztergom polo bispo László Lékai, entón administrador apostólico de Veszprém. Entre 1975 e 1977 traballou nunha parroquia de Dorog.

En 1976 obtivo o doutoramento en Teoloxía, e entre 1977 e 1980 estudou na Pontificia Universidade Lateranense, conseguindo o doutoramento en Dereito Canónico en 1980. Posteriormente, até 1986, ensinou Teoloxía en Esztergom, e entre 1986 e 2002 foi profesor na Pontificia Universidade Gregoriana, compaxinando este traballo co de profesor na Universidade Católica Péter Pázmány, da que posteriormente foi reitor.

O 5 de novembro de 1999 foi nomeado bispo auxiliar de Székesfehérvár e bispo titular de Puppi. Recibiu a consagración episcopal o 6 de xaneiro de 2000 na Basílica de San Pedro, de mans do papa Xoán Paulo II, e sendo os co-consagradores principais Giovanni Battista Re e Marcello Zago.

O 7 de decembro de 2002 o papa nomeouno arcebispo de Esztergom-Budapest e primado de Hungría, e no consistorio do ano seguinte Xoán Paulo II creouno cardeal, co título de Cardeal-Presbítero de Santa Balbina.

En 2005 foi elixido presidente da Conferencia Episcopal Húngara, e reelixido en 2010 por outros cinco anos. Tamén, en 2006 foi elixido presidente do Consello das Conferencias Episcopais Europeas, e reelixido en 2011. O 14 de outubro de 2014 foi nomeado Relator Xeral da Terceira Asemblea Xeral Extraordinaria do Sínodo dos Bispos.

O 27 de xuño de 2015 Francisco nomeouno membro da Congregación para as Igrexas Orientais.

Distincións e premios

Ten sido nomeado doutor honoris causa por varias institucións académicas, amosadas a continuación en orde cronolóxica:

• 1996: Instituto Católico de París
• 2001: Universidade Babeș-Bolyai
• 2004: Universidade Católica de Lublin
• 2007: Universidade de Múnic
• 2008: Universidade de Constanza
• 2011: Universidade de Navarra e Universidade Cardeal Stefan Wyszyński en Varsovia

Obtivo tamén en 1999 o Premio internazionale Galileo Galilei.

Obra

• Szent István Társulat, ed. (1983). Az ókeresztény kor egyházfegyelme: az elsö négy században. 
• Szent István Társulat, ed. (1985). Az Egyházi Törvénykönyv. A Codex Iuris Canonici hivatalos latin szövege magyar fordítással és magyarázattal. 
• Esztergomi Papnövendékek M. Egyházirodalmi Iskola, ed. (1985). Jövőnket építjük: emlékkönyv az Esztergomi Papnövendékek Magyar Egyházirodalmi Iskolája fennállásának 150 éves évfordulójára. 
• Pontificia Università Lateranense, ed. (1986). L'ufficio del primate nella canonistica da Graziano ad Uguccione da Pisa. 
• Budapesti Római Katolikus Hittudományi Akadémia jegyzetosztály, ed. (1989). Bevezetés a kánoni jogba: bevezetö ismeretek, általános szabályok. 

Véxase tamén

Ligazóns externas

• Perfil na páxina web do Vaticano